HLUTVERK

Af hverju erum við hér?

KM er knattspyrnufélag sem leggur áherslu á:

• Íþróttaiðkun, keppni og menningarskipti sem hvetja til og efla framfarir í íslenskri knattspyrnu á grunni sameiginlegra gilda. Við stefnum að því að vera fyrirmyndarfélag sem leggur áherslu á gæði og framúrskarandi starf, með langtímaverkefni sem tryggir stigvaxandi og sjálfbæra þróun á skipulagslegum, félagslegum og íþróttalegum sviðum.

• Eflingu íþrótta og hreyfingar sem tæki til að bæta heilsu fólks og hvetja til samfélagslegrar þátttöku.

• Samfélagslega ábyrgð þar sem við höfum jákvæð áhrif á umhverfi okkar með aðgerðum á sviði íþrótta og samstöðu.

• Hagnýtingu knattspyrnu, íþrótta og menntunar sem tæki til að gera heiminn betri. Við hönnum verkefni sem styðja við umhverfisvernd, menningarskipti, menntun og góðgerðarmál.
   

ALMENSÝN

Hvað viljum við vera? Hvert viljum við stefna?

• Að vera fyrirmyndarstofnun á sviði íþrótta og félagsmála með trausta og sameinaða klúbbbyggingu.

• Að styrkja vörumerki KM bæði inn á við og út á við.

• Að auka tilfinningu fyrir tilheyrslu innan félagsins.

• Að ná betri árangri á íþróttasviðinu og í íslenskri keppni um leið og við virðum og innleiðum gildi félagsins.

• Að vera leiðandi í íslenskri knattspyrnu – félagsleg stofnun sem er virt, dáð og elskuð, þar sem gildi og uppeldislegir þættir eru í fyrirrúmi.

• Að byggja upp samstarf við stofnanir um allan heim til að ná markmiðum okkar.

• Að skapa tengsl og verkefni sem gefa leikmönnum með takmörkuð úrræði tækifæri til að þroskast persónulega og faglega innan knattspyrnunnar.

• Að skapa tengsl og verkefni til að veita fólki í öðrum samfélögum, sem býr við skert tækifæri, möguleika á að eflast á sviði íþrótta og menntunar.
   

GILDI

• Jákvæð og skemmtileg knattspyrna: Við sköpum jákvætt umhverfi þar sem ánægðir leikmenn skila meiri árangri á sama tíma og allir njóta þess að læra.

• Virðing: Ein af undirstöðum íþrótta og lífsins. Virðing fyrir leiknum, heilindum, fjölbreytileika, reisn, reglum, dómurum, andstæðingum og stuðningsmönnum.

• Skuldbinding: Að vera virkur þátttakandi í ferlinu, njóta sigra og sigrast á erfiðleikum. Samfélagsleg og umhverfisleg ábyrgð – að vera betri manneskjur í betra samfélagi.

• Metnaður: Að bæta sig dag frá degi. Hjálpa öðrum að bæta sig. Stuðla að vexti KM-samfélagsins. Sigurvegara-hugarfar og háleit markmið.

• Ástríða: Gerðu meira af því sem þú elskar og gefðu þig allan í það.

• Sköpunargleði: Finna bestu leiðirnar til að gleðja aðra með lágmarks úrræðum. Nýjar hugmyndir, ný tengsl og ný sýn á heiminn.

• Áhugamennska vs. Atvinnumennska: Snúa aftur til róta knattspyrnunnar, ástríðunnar og ástarinnar á leiknum. Innleiða þá heimspeki inn í faglega umgjörð og ábyrgð.

• Fjölmenning: Miðla þekkingu og hefðum. Bjóða alla velkomna óháð uppruna, kyni, kynþætti eða trúarbrögðum. Efla og deila íslenskri og evrópskri knattspyrnumenningu og læra af öðrum menningarheimum.

• Umbergislyndi: Virða og samþykkja mismunandi skoðanir, hegðun eða trú óháð kynhneigð, trúarbrögðum eða uppruna. Vera fús til að samþykkja þá sem eru frábrugðnir manni sjálfum.

• Jafnrétti kynjanna: Barátta fyrir réttindum kvenna á grundvelli jafnréttis. Skuldbinding til að efla knattspyrnu kvenna þar sem hún er enn skammt á veg komin.

• Ópólitískt starf: Við erum félag sem leggur áherslu á samfélagið og úrbætur þess með sjálfstæðri hugsun. Við virðum öll sjónarmið sem samrýmast mannréttindum.

• Þakklæti: Við erum forréttinda samfélag og þökkum öllum þeim sem gera starf okkar mögulegt.
   

SIÐAREGLUR

Leikmenn:

• Þekkja knattspyrnulög FIFA, gildi, framtíðarsýn og hlutverk KM, ásamt siðareglum og innri reglum liðsins.

• Spila af hörku en af sanngirni. Leggja sig fram við að fylgja lögum leiksins í hvívetna.

• Sýna góða íþróttamennsku. Virða alla þátttakendur – andstæðinga, dómara, þjálfara og áhorfendur. Skilja andi leiksins og forðast óheiðarlegan leik.

• Vera jákvæður til að njóta leiksins og stuðla að því að aðrir njóti hans líka.

• Styðja liðið sitt; vera liðsmaður en ekki einleikari. Hvetja til náms, ástundunar og þroska með þolinmæði.

• Forðast eftir fremsta megni að mótmæla ákvörðunum dómara opinberlega. Mundu að hávær mótmæli grafa undan valdi dómarans og geta skemmt fyrir öllum þátttakendum.

• Sýna virðingu. Aldrei móðga eða gagnrýna þátttakendur. Móðgandi eða dónalegt orðbragð stríðir algjörlega gegn anda leiksins.

• Njóta knattspyrnunnar til fulls, en muna að á endanum er þetta aðeins leikur. Forðast neikvæð samskipti við áhorfendur.

• Gera sitt besta, með orðum og fordæmi, til að hvetja þá sem eiga erfiðara með að fylgja þessum reglum.

• Sýna umburðarlyndi gagnvart trúarbrögðum og stjórnmálaskoðunum annarra. Nota aldrei nafn KM til að skilgreina pólitíska eða trúarlega sannfæringu.

• Við erum fjölmenningarlegt íslenskt félag stofnað af Spánverjum. Við hvetjum alla meðlimi til að læra og tala íslensku. Við leggjum áherslu á jákvæð samskipti og hvetjum meðlimi til að nota tungumál sem allir skilja á viðburðum okkar. Opinber tungumál okkar eru íslenska og enska.

• Hvetja önnur lið KM á viðburðum og samfélagsmiðlum. Kynnast og læra af leikmönnum í öðrum liðum félagsins.

• Þakka þjálfara, liðsfélögum og starfsfólki eftir hverja æfingu og leik með handabandi.
   

Þjálfarar:

• Þekkja knattspyrnulög FIFA, gildi og hlutverk KM og vera lykilmanneskja í að innleiða þau.

• Fræða leikmenn um gildi og siðareglur KM og hvetja þá til að fylgja þeim ávallt.

• Koma fram við dómara og starfsmenn af virðingu og kenna leikmönnum að gera slíkt hið sama.

• Hafa stjórn á tilfinningum sínum og forðast orðbragð eða látbragð sem túlka má sem fjandsamlegt eða niðurlægjandi.

• Efla og iðka góða íþróttamennsku og hvetja aldrei til brota á leikreglum eða hegðunar sem stríðir gegn anda leiksins.

• Tryggja að áhorfendur sýni ávallt þroska og íþróttamennsku og aðstoða dómara við að halda stjórn á áhorfendum ef þarf.

• Vera fyrirmynd í virðingu gagnvart andstæðingum og krefjast þess sama af leikmönnum sínum.